www.shabab-egy

shabab egy

مرحبا بك عذيذى الذائر.يرجى منك التسجيل معنا ان لم يكن لديك حساب بعد
www.shabab-egy

لتحميل اقوى الافلام والmp3


    تبقا انتا اكيد اكيد فى مصر

    شاطر
    avatar
    Admin
    Admin

    عدد المساهمات : 142
    تاريخ التسجيل : 12/05/2009

    تبقا انتا اكيد اكيد فى مصر

    مُساهمة من طرف Admin في الأحد مايو 17, 2009 5:05 am

    سؤال‏:‏
    لو أنك نزلت في مطار عاصمة بلد كبير ومشيت في شوارعها وعاشرت أهلها وعشت معهم أياما وشهورا‏,‏ فكيف تعرف وتتأكد أن هذا البلد هو مصر؟

    جواب‏:‏
    من طيبة الناس وظرفهم وتنكيتهم علي أنفسهم وصبرهم الجميل‏!‏

    سؤال‏:‏
    أيوه كل ده كويس‏..‏ لكن إذا أردت أن تتأكد أكثر وأكثر‏:‏
    الجواب :
    ‏لو لقيت من كل بيت خارج مدرس خصوصي تبقي أنت أكيد في مصر‏!
    ‏لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏!‏
    ‏لو لقيت في كل بيت واحد عنده امراض زى الفشل الكلوى وغيره ‏..‏ تبقي أنت أكيد في مصر‏!‏
    ‏لو رحت التأمين الصحي وإدوك حديد وزرنيخ‏..‏ تبقي أنت أكيد في مصر‏!
    ‏لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏!
    ‏لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏‏!
    ‏لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏!‏
    ‏لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏!‏
    ‏لو سمعت وقريت جملةاللي نعرفه أحسن من اللي منعرفوش تبقي أنت أكيد في مصر‏!‏
    ‏لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر‏!‏
    ‏لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏!‏
    ‏لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏!‏
    ‏لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏!‏
    ‏لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏ (‏ وكان ليه من أصله‏)!‏ تبقي أنت أكيد في مصر‏!‏
    ‏لو مزنوق في الشارع وملقتشي مراحيض عامة يبقي أنت أكيد في مصر‏!‏
    ‏لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏!‏
    ‏لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏
    ‏لو مرة لقيت رسوم الزبالة علي فاتورة الكهرباء ومرة تانية علي فاتورة الغاز‏,,‏ تبقي أنت أكيد في مصر‏!‏
    ‏لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏!‏
    ‏لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏!‏
    ‏لو شفت الست تخلع جوزها بعد طول عشرة‏..‏ تبقي أنت أكيد في مصر‏!‏
    ‏لو تقف في طابور علشان رغيف العيش‏..‏ تبقي أنت أكيد في مصر‏!‏
    ‏لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏!‏
    ‏لو سمعت الكبير بيقول للصغير حضرتك تبقي أنت أكيد في مصر‏!
    ‏لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏!‏
    لو رحت مرة تصلى فى جامع وبعد الصلاة تلاقى اللى بيقولك خلاص يا افندى احنا بنقفل وهنفتح على معاد الصلاة الجاية تبقي أنت أكيد في مصر‏!


    اقولك كمان ولا كده اتأكدت انك فى مصر

      الوقت/التاريخ الآن هو الأربعاء سبتمبر 19, 2018 1:26 am